Chronik
Chronik von 2000
Glühwein war im spui,
Ideen hama g´habt recht vui
Und unter anderem a,
das Theaterspuin ned zwida war!
Gspuid word´n is ja früha scho,
fang ma de oide Tradition hoid wida o!
Im November 1995 bei Mühltaler´s in da Stub´n
ging de Idee namoi so richtig rum.
Mia hama zwar wos zum verliern,
oba trotzdem woid ma´s hoid probiern.
De Landjugend bürgt rechtlich und finanziell
Sponsoren ham se gfunden a ganz schnell.
So is 1996 dann opackt worn,
a neue Bühne wurd´ baut ganz von vorn.
s´Hoiz für´s Podest is von Mühltahler´s khema
und a sunst war´n do no vui Leut zum nenna
ohne de war´s ganz sicha ned ganga
an dera Stell möchte ma alle namoi herzlich danga.
Wia des war dann oise gschafft
Hamma im März 1997 des erste Stück auf´d Bühne bracht
De Huaba Agnes hat gführt de Regie
und siehe da – de „pfiffige Urschl“ haut hie!
Vie Leut ham´s a´gschaut und vui Leut hod´s gfoin
- so manchem von uns is a groaßa Stoa vom Herz obe gfoin.
Schließlich war vor 25Jahr
de letzte Aufführung in Geratskircha da.
Wia dann des nächste Jahr Gspuid worn is
war´s wida a Erfolg ganz gwieß
d´Leut ham über´s Stück´l recht vui glacht
sogar a Zusatzvorstellung hamma da gmacht!
Und damit a ein jeda mitspuin kann
Stand dann de Vereinsgründung an.
Am 22.11.1998 war´s dann soweit
Der Verein ist gründ´ wordn mit Leut.
Inzwischen sand fast 50 Mitglieder dabei
Mia dad ma uns üba an jed´n neua recht gfrei
Unsere Einnahmen, de san ganz wichtig,
daß mia Theaterspuin kinnan a richtig.
So a Bühne hat an verschleiß
Norwendig is imma wieda wos neus
Aufführungsrechte und Bücha braucht ma schon
Außerdem Requisiten und a Dekoration
Und alle Jahr hamma no
Wos für de Allgemeinheit do.
Mia überleng ma imma wieda a neue Institution
de unsa Spende bestimmt guat braucha kon.
In da näheren Umgebung soid´s hoid sei
da Kindagarten in Mitterskircha war z.B. scho dabei.
So wird bei uns a in Zukunft Mundartpflege bdrimm
wir´s in da Satzung so sche steht drinn.
Hoffentlich bring ma de Leut a wenig zum Lacha
Es gibt eh scho gnua draurige Sachan
Mia dank ma de Zuschauer auf de kin ma bau
S´Geratskirchner Theater e.V.